TITULLI: Zbulime shkencore në shkencat farmaceutike

Akademia Verore në Fakultetin e Farmacisë ofron një platformë unike për studentët e farmacisë me synimin për të sjell në fokus zhvillimet më të fundit në kërkimin shkencor farmaceutik dhe inovacionet teknologjike që po formësojnë të ardhmen e shkencave farmaceutike.

Ky aktivitet synon të krijojë një hapsirë dinamike për shkëmbim të njohurive, ideve dhe përvojave ndërmjet studentëve, studiuesve dhe profesionistëve të fushës, duke promovuar një qasje të integruar ndaj zhvillimit profesional në farmaci. Gjithashtu, akademia synon të nxisë projekte të reja  kërkimore dhe inovacione farmaceutike me ndikim të mundshëm në praktikën klinike dhe industrinë farmaceutike.

Rezultatet e pritura

Rezultatet e pritura nga Akademia Verore nga Fakulteti i Farmacisë përfshijnë:

• Zgjerimi i njohurive shkencore të studentëve në lidhje me zhvillimet më të fundit në shkencat farmaceutike dhe trendet bashkëkohore të kërkimit dhe inovacionit.
• Nxitja e mendimit kritik dhe kërkimit të pavarur, duke inkurajuar pjesëmarrësit të eksplorojnë fusha të reja dhe të ndërmarrin iniciativa kërkimore me qasje ndërdisiplinore.
• Zhvillimi i kapaciteteve ndërdisiplinore, përmes krijimit të urave të bashkëpunimit midis fushave si farmakologjia, teknologjia farmaceutike, inteligjenca artificiale dhe fitoterapia.
• Identifikimi dhe formësimi i ideve për projekte kërkimore, me potencial për zhvillim të mëtejshëm akademik apo aplikim në praktikën profesionale.
• Promovimi i qasjeve inovative në edukimin farmaceutik, duke integruar tema aktuale, teknologji të reja dhe metodologji moderne.
• Përgatitja e studentëve për sfidat reale të industrisë farmaceutike dhe kërkimit shkencor, duke i orientuar drejt zhvillimeve globale në këtë fushë.

Grupet e synuar: Studentat e shkencave mjekësore