TITULLI: Diskutim i hapur (Tema caktohet ndërkohë)

Mysafire e planifikuar: Dr. Jonila Godole

Komunikimi joverbal përbën pjesën më të madhe të komunikimit. Ai ndërthuret me komunikimin verbal; e kualifikon, e kompleton dhe ndonjëherë e zëvendëson atë plotësisht. Komunikimi joverbal është informacioni, emocioni që shprehet pa fjalë dhe pa ndihmën e gjuhës. Në krahasim me komunikimin verbal komunikimi joverbal është më pak i kontrollueshëm, por është më i fuqishëm sepse bart shumë emocione dhe ndjenja të cilat shpesh është e pamundur t’i shprehim me fjalë e nganjëherë edhe vështirë t`i kuptojmë. Studimet vërtetojnë se komunikimi joverbal është shpesh shumë më i vlefshëm sesa ai verbal.

Prandaj, do të përpiqemi që nëpërmjet debatit në aspekte të ndryshme psikologjike të qartësojmë lidhjen e medias, komunikimit dhe psikologjisë , që mbase edhe ndikojnë në perceptimin që kane individë të ndryshëm në lidhje me funksionimin e komunikimit dhe natyrën psikologjike të tij.

Rezultatet e pritura:

Në fund të akademisë pjesëmarrësit do të jenë në gjendje të:

• Rezultati 1. Të përkufizojnë dhe të njohin thelbin e komunikimit joverbal.
• Rezultati 2. Të dallojnë funksionet dhe veçoritë e tij.
• Rezultati 3. Të kuptojnë qëllimet e tij në raport me aspektin psikologjik dhe social.
• Rezultati 4. Të evidentojnë tipet e zbatimit në praktikë të komunikimit joverbal.

Grupet e synuara:

• Studentët e nivelit Bachelor (Media dhe komunikim, Psikologji)
• Studentët e nivelit Master (Media dhe komunikim, Psikologji)
• Profesionistët e fushës  dhe Mësimdhënësit
• Nxënësit e shkollave të mesme