TITULLI: Leksion i hapur. “Komunikimi si mjeti me i rëndësishëm në zhvillimin dhe transformimin e shoqërisë”
Koha: 10 Korrik 2025
Termi komunikim është mjaft i rëndësishëm dhe mjaft kompleks. Shumë njerëz e kanë përdorur komunikimin që t’i përshkruajnë bashkëveprimet me njerëzit e tjerë. Televizioni, radioja, dhe gazetat përcillen si mjete të komunikimit, ndërsa telefoni dhe kompjuteri quhen aparate komunikimi. Fatkeqësisht, komunikimit nuk i jepet shumë rëndësi, ndërkohë që ai është një veprimtari komplekse. Mënyra që ne kuptohemi dhe flasim me njëri-tjetrin kudo është përcaktuesi kryesor për suksesin dhe emancipimin e një shoqërie.
Komunikimi ndodh në një nga tre mënyrat: verbale, joverbale dhe vizuale. Njerëzit shumë shpesh e marrin komunikimin të mirëqenë. Komunikuesit shkëmbejnë informacione që do të thotë se njerëzit gjithmonë duket sikur marrin ose japin informacione. Kuptimi i metodave të ndryshme të shkëmbimit të informacionit është i rëndësishëm veçanërisht në mjediset sociale.
Rezultatet e pritura:
Në fund të akademisë pjesëmarrësit do të jenë në gjendje të:
- Rezultati 1. Të njohin komunikimin si formën themelore të organizimit social.
- Rezultati 2. Të kuptojnë qëllimin e komunikimit për të ndërtuar një shoqëri funksionale.
- Rezultati 3. Të identifikojnë objektivat themelore mbi të cilat qëndrojnë raportet mes komunikimit dhe shoqërisë.
Grupet e synuara:
- Studentët e nivelit Bachelor
- Studentët e nivelit Master
- Profesionistët e fushës dhe Mësimdhënësit
- Nxënësit e shkollave të mesme