TITLE: INTELIGJENCA EMOCIONALE
RRETH QENDRËS KËSHILLUESE PËR STUDENTË DHE PROGRAMIT TË PSIKOLOGJISË
Qendra Këshilluese për Studentë është një vend që kujdeset për mirëqenien e përgjithshme të studentëve, veçanërisht atë psikologjike. Qëllimi i Qendrës është t’u sigurojë studentëve një mjedis të sigurt, mirëkuptues dhe konfidencial, në të cilin ata të jenë në gjendje të shprehin shqetësimet e tyre. Qendra ofron mbështetje profesionale për t’i ndihmuar studentët të eksplorojnë dhe kuptojnë burimin e vështirësive me të cilat përballen, duke ndërtuar aftësi efektive për të kapërcyer situatat stresuese, për të fituar elasticitet emocional dhe për të arritur potencialin e tyre të plotë personal dhe akademik.
Bazuar në konceptin e sipërpërmendur, qëllimi i Akademisë Verore 2022 është të bashkojë aspektet teorike dhe praktike në fushën psikologjinë. Temat e trajtuara në këtë Akademi Verore janë krijuar për t’u ofruar pjesëmarrësve njohuri teorike të shumë koncepteve psikologjike, me temën kryesore të Inteligjencës Emocionale, si dhe për të forcuar aftësitë e tyre për të kapërcyer vështirësitë dhe për t’u bërë më elastikë (rezilient).
PROCESI I CIKLIT PROGRAMOR
Akademia do të mbulojë tema të ndryshme nën sferën e temës kryesore – Inteligjenca Emocionale. Ndër temat kryesore të diskutuara do të jetë baza gjenetike, rreziku dhe faktorët mbrojtës të Inteligjencës Emocionale; Kuptimi i kategorive kryesore të Inteligjencës Emocionale, si: Vetëndërgjegjësimi, Vetërregullimi, Vetë-Motivimi, Empatia dhe Aftësitë Sociale. Akademia do të fokusohet shumë në mënyra dhe teknika efektive për rritjen e Inteligjencës Emocionale, pasi që IE është dëshmuar si një nga komponentët kryesorë të stabilitetit mendor, shëndetit të mirë dhe një mjet i shkëlqyer për tejkalimin e stresit dhe vështirësive.
GRUPET E SYNUARA
Studentët universitarë që mbarojnë vitin e parë të studimeve dhe ata që aktualisht janë në vitin e dytë dhe të tretë të studimeve në çdo fushë. Përparësi kanë studentët e Psikologjisë dhe çdo fushe Mjekësie, si p.sh. Infermieria. Studentët Master në çdo program Psikologjie janë gjithashtu të mirëpritur, si dhe mësues dhe profesionistë të tjerë.
PROCESI I KUALIFIKIMIT TË MUNDËSIVE; KRITERET DHE MATERIALET E LEXIMIT
Të gjithë pjesëmarrësit që kanë marrë pjesë në Akademinë Verore do të pajisen me Certifikatat e Pjesëmarrjes dhe ata që do të kalojnë provimin e organizuar në fund të temave të trajtuara do të pajisen me certifikata me 2 ECTS në bazë të orëve të punës për secilën temë, përkatësisht.
REZULTATI I DËSHIRËRUAR
Në fund të këtij evenimenti, përmes ligjëratave, punëtorive, vizitave në terren dhe aktiviteteve të tjera, duke përfshirë argëtimin, studentët do të fitojnë njohuri dhe aftësi të thella, teorike dhe praktike për t’u bërë më inteligjent Emocionalisht përballë shumë vështirësive dhe pengesave të jetës.