TITLE: Notacionet kronologjikisht ekstreme në shkrimet muzikore shqiptare

Forumi me temë Notacionet kronologjikisht ekstreme në shkrimet muzikore shqiptare vie si kontribut i dy studijueseve të këtyre fushave: 1. Dr. Holta Sina do të paraqesë një pasqyrë të përgjithshme mbi Kodikët ekfonetikë të Beratit (alfabeti i parë muzikor Bizantin-Shqiptar). 2. Ndërsa në pjesën e dytë të këtij forumi, nga ana e studijueses Dr. Indira Çipa, do të trajtohet Notacioni bashkëkohor i përdorur tek kompozitorët Kosovar. Frekuentuesit do të kenë rastin të dëgjojnë argumentime shkencore muzikologjike lidhur me përfshirjen e krijuesve shqiptar-kosovar në zhvillimet historike të notacionit muzikor të cilat qëndrojnë në ekstremet kohore që ndahen nga periudha e gjatë e notacionit tradicional.

Pas përfundimit, pjesëmarrësit do të jenë në gjendje të:

• Të dallojnë vizuelisht llojet e notacioneve
• Të kenë informacione për krijuesit shqiptar që përdorën këto lloje të notacioneve
• Ta zgjerojnë gamën e dukurive muzikore bashkëkohore që do të mund ta përdorin në krijimet e tyre në vijim

Grupet e synuara: Studentët e fakultetit MMPDM (Muzikë Moderne, Produkcion Digjital, Menaxhment)-profili i kompozimit, dhe studentët e profilit instrumental,  nxënësit e shkollave të mesme, dhe të interesuarit të tjerë të fushës