TITULLI: PARASHIKIMI, MODELIMI DHE VLERËSIMI I PASURIVE TË PALUAJTSHME

Objektivat e kursit:

Objektivi kryesor i shkollës verore është që të zhvillojë njohuri gjithëpërfshirëse mbi parashikimin, modelimin dhe vlerësimin e pasurive të paluajtshme.

• Të kuptojnë konceptet dhe teknikat themelore të përdorura në parashikimin, modelimin dhe vlerësimin e pasurive të paluajtshme.
• Të zhvillojnë aftësi të nevojshme për të analizuar dhe interpretuar të dhënat e tregut të pasurive të paluajtshme.
• Të aplikojnë metoda sasiore për të parashikuar tendencat e tregut të pasurive të paluajtshme dhe vlerat e pronave.
• Të fitojnë aftësi në përdorimin e mjeteve softuerike që përdoren zakonisht në parashikimin dhe vlerësimin e pasurive të paluajtshme si Excel, Risk Solver dhe SPSS
• Të vlerësojnë në mënyrë kritike mundësitë e investimit në pasuri të paluajtshme, bazuar në analizat e tregut dhe teknikat e vlerësimit.

Rezultatet e mësimnxënies: Në fund të kursit, studentët do të jenë në gjendje të:

• Përshkruajnë parimet dhe teoritë kryesore të parashikimit, modelimit dhe vlerësimit të pasurive të paluajtshme.
• Mbledhin dhe analizojnë të dhënat përkatëse për analizën e tregut të pasurive të paluajtshme.
• Përdorin modele statistikore dhe ekonometrike, për të parashikuar tendencat e tregut të pasurive të paluajtshme.
• Zbatojnë metoda të vlerësimit, për të vlerësuar vlerat e pronës dhe për të vlerësuar fizibilitetin e investimit.
• Vlerësojnë dhe interpretojnë rezultatet e analizave dhe vlerësimeve të tregut të pasurive të paluajtshme.
• Komunikojnë në mënyrë efektive parashikimet e pasurive të paluajtshme dhe gjetjet e vlerësimit tek palët e interesuara.

Grupet e synuara:

• Studentë të Shkollës së Lartë të Shkencave Sociale;
• Studentë të Fakultetit të Inxhinierisë së Ndërtimit;
• Studentë të Fakultetit të Arkitekturës; dhe;
• Studentë të Fakultetit të Gjeodezisë.