TITULLI: Sfidat e Tranzicionit të Energjisë së Qëndrueshme

Hyrje – Përmbledhje

Objektivi kryesor i Akademisë Verore është t’u ofrojë pjesëmarrësve njohuri gjithëpërfshirëse mbi aspektet teorike dhe praktike të Inxhinierisë së Energjisë. Përmes diskutimeve me ekspertë dhe punëtorive interaktive, pjesëmarrësit do të kenë mundësinë të informohen mbi sistemet moderne elektroenergjetike, teknologjitë e burimeve të ripërtëritshme të energjisë, sfidat globale të tranzicionit energjetik, sigurinë energjetike dhe qëndrueshmërinë.

Tema qendrore e Akademisë Verore në Fakultetin e Inxhinierisë së Energjisë është “Sfidat e Tranzicionit të Energjisë së Qëndrueshme”. Programi synon të trajtojë çështjet kryesore që rrjedhin nga procesi i tranzicionit energjetik, duke përfshirë integrimin e burimeve të ripërtëritshme të energjisë, sistemeve të ruajtjes së energjisë, teknologjive të baterive dhe zgjidhjeve të tjera inovative në sistemet moderne elektroenergjetike.

Zgjerimi i shpejtë i burimeve të ripërtëritshme të energjisë në të gjithë Evropën po transformon dhe njëkohësisht po sfidon sektorin energjetik. Megjithëse këto teknologji ofrojnë përfitime të konsiderueshme mjedisore dhe ekonomike, secila prej tyre paraqet avantazhe dhe kufizime specifike, të cilat varen nga faktorë gjeografikë, teknikë, rregullatorë dhe socio-ekonomikë. Kuptimi i këtyre mundësive dhe sfidave është thelbësor për zhvillimin e sistemeve energjetike të qëndrueshme, të sigurta dhe elastike, të afta për të përmbushur kërkesat energjetike të së ardhmes. Akademia Verore do të shërbejë si një platformë për shkëmbimin e njohurive, zhvillimin profesional dhe bashkëpunimin ndërdisiplinor, duke u mundësuar pjesëmarrësve të eksplorojnë qasje inovative dhe praktikat më të mira për realizimin e një tranzicioni energjetik të suksesshëm dhe të qëndrueshëm.

Temat Kryesore:

• Prodhimi i Energjisë Elektrike
• Energjia Diellore (PV Sistemet dhe Termike)
• Energjia e Erës
• Hidroenergjia
• Integrimi i Burimeve të Ripërtëritshme në Rrjet
• Sistemet e Ruajtjes së Energjisë
• Transmetimi dhe Shpërndarja
• Rrjetat e Mençura (Smart Grids)
• Menaxhimi i Konsumit të Energjisë
• Sfidat e Kyçjes së Automjeteve Elektrike në Rrjet
• Projektimi i një Sistemi Fotovoltaik
• Vizite studimore

Rezultatet e të nxënit:

Pas përfundimit me sukses të Akademisë Verore, pjesëmarrësit do të jenë në gjendje të:

• Të analizojnë ndikimet e Integrimit të Burimeve të Ripërtëritshme të Energjisë në Tranzicionin global Energjetik dhe në zhvillimin e Sektorit Energjetik në Kosovë.

• Të vlerësojnë ndikimin e Teknologjive në zhvillim në Sistemet Moderne Energjetike.

• Të krijojnë rrjete profesionale dhe të nxisin bashkëpunimin me kolegë, ekspertë dhe profesionistë të Sektorit të Energjisë.

• Të zhvillojnë dhe prezantojnë zgjidhje inovative për Sfidat Reale të Sektorit Energjetik.

• Të zbatojnë njohuritë teorike në situata praktike përmes studimeve të rasteve dhe ushtrimeve për zgjidhjen e problemeve.

• Të komunikojnë në mënyrë efektive dhe profesionale ide teknike, gjetje dhe rekomandime.

• Të avancojnë kompetencat praktike përmes punëtorive, ushtrimeve praktike dhe aktiviteteve të bazuara në projekte.

• Të forcojnë mësimin e vazhdueshëm dhe zhvillimin profesional përmes studimeve të rasteve nga bota reale, simulimeve dhe vizitave teknike në terren.

Grupet e synuara:

Studentët e nivelit Bachelor, Master, Stafi i UBT-së, Profesionistët e Sektorit të Energjisë, Shoqëria Civile, Përfaqësues të Sektorit Publik, Privat dhe të Industrisë.