TITLE: SPORTI DHE TEKNOLOGJIA

Si në çdo fushë tjetër të aktivitetit njerëzor, teknologjia ka ndërhyrë edhe në disiplinat sportive, duke përmirësuar shumë aspekte ne të mire të sportit dhe të sportistëve. Debati mbi zhvillimet teknologjike nuk është më në termat e përdorimit “për mirë” apo “për keq”, por se si të përdoresh teknologjinë në funksionin tënd. Falë aparaturave të reja moderne, makinerive më të fundit dhe inxhinierisë moderne, teknologjia po përmirëson spektrin e lëvizjeve të trupit të njeriut, duke prodhuar individë që sfidojë limitet e natyrës. Kemi atletë që kërcejnë gjithmonë e më lart, vrapojnë gjithmonë e më shpejt apo shënojnë gjithmonë e më saktë duke u bazuar ne matjet nga aparatura të sofistikuara. Këto aparatura vlerësojnë trupin e një atleti, matin çdo sistem në organizmin e tij dhe drejtojnë lëvizjen e tij duke e përmirësuar deri në të dhjetat apo te qindtat e sekondit.

Kjo akademi është e rëndësishme sepse do t’u japë pjesëmarrësve një pasqyrë të detajuar mbi rolin dhe rendësin e përdorimit të teknologjisë në sport, gjithashtu pjesmarrsit do të fitojnë njohur edhe rreth testimit të përformances në sport, si dhe rreth organizimit të eventeve dhe garave sportive,  më konkretisht diskutimet gjatë forumeve dhe punëtorive do të përqendrohen në metoda dhe teknika të ndryshme që lehtësojnë të mësuarit dhe përvetësimin e njohurive në epokën digjitale.

Pas përfundimit, pjesëmarrësit do të jenë në gjendje të:

• Demonstrojnë testimin e performancës: studentet pas përfundimit të punëtorisë do të fitojnë njohuri rreth testimit të performancës ne sport dhe njëkohësisht do të jenë në gjendje që të demonstrojnë njohuri elementare për testimin e performancës se sportistëve.
• Vlerësojnë rolin e teknologjisë në sport: të pranishmit pas informatave të marra nga ekspertet ndërkombëtar dhe vendor rreth rolit të teknologjisë në sport, do të mundë të vlerësojnë rolin që ka teknologjia ne sport.
• Të dinë të organizojnë gara sportive: përmes organizimit të garave sportive, studentet do të fitojnë njohuri organizative dhe do të kenë mundësi të socializohën mes vete.
• Organizojnë aktivitete në natyrë: përmes organizimit të hikingut, studentet do të fitojnë njohur organizative për shëtitje në natyrë dhe njëkohësisht do të njihen me bukuritë natyrore të vendit.

Grupet e synuara: Studentët e Fakultetit të Shkencave të Sportit dhe të Lëvizjes, si dhe për gara dhe ngjarje argëtuese, profesorët dhe studentet e te gjitha departamenteve tjera brenda UBTs